Fazilat e Faqr o Tasawwuf

مشتملات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نــغــــــــــمــــــــــــاتـــــــــ الاســــــــــرار۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صفحۂ اول پیش لفظ تقدیم حقیقت اشیاکا بیان شرح: وَ فِیْ اَنْفُسِکُمْ اَفَلاَ تُبْصِرُوْن وحدت کا بیان نورِ ظہورِ ذات کا بیان کُنْتُ کَنْزاً مَخْفِیّا نعت حقیقت ِمحمدی مثال فضائل ِآدابِ نبوی اطاعت و پیروی آنحضرتﷺ عظمت و رفعت آنحضرتﷺ تواضع باوجود رفعت و عظمت آنحضرتﷺ شان بشریت کا بیان برزخ کبریٰ کا بیان آنحضرت ﷺپر علوم غیبیہ کے انکشاف کا بیان شانِ اولیا نسبت و بیعت کی مثال اولیاکی عظمت کا بیان آداب شیخ ِکامل طالب صادق کے لیے ضرورت شیخ اورآداب بارگاہ شیخ کا بیان سالکین راہ طریقت کے ما بین اختلاف کا بیان سماع و وجد کا بیان شریعت ، طریقت، حقیقت اور معرفت تصوف کی فضیلت فقیہانِ خشک اور صوفیانِ جاہل و مکار کا بیان علماے سوء کا بیان فضیلت فقر و تصوف شانِ علماے بر حق شرائط شیخی و درویشی آداب مریدین استقامت طالبانِ حق کے لیے پندو نصائح اذکار و اشغال کا بیان مناجات بدر گاہ قاضی الحاجات خاتمہ

فضیلت ِ فقر و تصوف

علم کی تکمیل قیل و قال ہے
فقر کا اوّل سبق ہی حال ہے
 علم کے سینہ میں ہے جوشِ غرور
فقر کے سینہ میں ہے دریاے نور
علم کے دامن میں ہے زعمِ خودی
 فقر کے دامن میں کیفِ بے خودی
 انتہاے علم بس گفتار ہے
ابتداے فقر پُر اسرار ہے
علم کہتا ہے زباں کو پاک رکھ
فقر کہتا ہے کہ جاں کو پاک رکھ
علم سکھلاتا ہے کر سجدہ سجود
فقر سکھلاتا ہے کر ترکِ وجود
علم کا مقصود ہے دنیا و دیں
 فقر کا مقصود ربُّ العالمیں
علم ہے جویاے راہِ مستقیم
فقر ہے داناے راہِ مستقیم
علم سے ہوتا ہے عالم آدمی
فقر سے ہوتا ہے کامل متقّی
علم کی دنیا میں ہے تعظیمِ گِل
فقر کی دنیا میں ہے تعظیمِ دل 
 علم کا مقصود ہے راہِ نجات
فقر کا مقصود ہے عرفانِ ذات
علم ہے سر تا بپا ابن الکتاب
 فقر ہے سر تا بپا اُم الکتاب