Hamd e Bari Taala - Alif Ba e Safwi

Alehsan Media فروری 08, 2017

حمد باری تعالیٰ

داعیٔ اسلام شیخ طریقت شاہ احسان اللہ محمدی صفوی مدظلہ العالی

الف بائے صفویؔ

الف سے اللہ اسمِ ذات ہے
باسے باقی اس کی صفات ہے

تا سے توبہ کر دنیا سے
ثا سے ثابت رہ مولیٰ سے

جیم سے جنت تیرا گھر ہے
حا سے حق کی چاہ اگر ہے

خا سے خدمت کر مرشد کی
خدا نما ہے اس کی ہستی

دال سے دل اللہ کا گھر ہے
ذال سے ذاکر قلب اگر ہے

را سے ریاضت کا پھل توڑو
زا سے زہدِ نفس نہ چھوڑو

سین سے سجدے میں کھو جاؤ
شین سے شرک و دوئی مٹاؤ

صاد سے صوفی صافی ہو جا
ضاد سے ضعفِ ارادت بے جا

طا سے طاہر دیکھ سراپا
ظا سے ظہور اللہ کا جلوا

عین سے عینیت کو جگا دے
غین سے غیریت کو مٹا دے

فا سے فاقہ شانِ عبادت
قاف قناعت جانِ عبادت

کاف سے کافی اللہ اللہ
لام سے لاشک بے شک اللہ

میم محمد مرشد و رہبر
نون نبیٔ اول و آخر

واؤوصی و نائب حیدر
ہا سے ہادی بعد پیمبر

یا سے یاور اللہ اللہ
شیخ سعیدؔ احسان اللہ

فانی فی ﷲ باقی باﷲ
آیۃٌ من آیات ﷲ