حمد و مدح
بے تاج سلطانی کرے
توجسے چاہے وہی تیری ثناخوانی کرے
ملک حمد ونعت میں بے تاج سلطانی کرے
تو اگر چاہے بدل دے اپنی قدرت سے مزاج
پھول کر دے آگ کو اور ریت کو پانی کرے
حادثوں کے شہر میں ہر ہر قدم پر اے خدا
بس ترا اک نام ہی میری نگہبانی کرے
سوچتا ہوں اس کی قسمت کتنی اچھی ہے خدا
جو دیار مصطفی میں کوچہ گردانی کرے
بعد اصحاب محمد حمد میں اور نعت میں
اے ضیاؔ اب کون دعوائے سخن دانی کرے
توجسے چاہے وہی تیری ثناخوانی کرے
ملک حمد ونعت میں بے تاج سلطانی کرے
تو اگر چاہے بدل دے اپنی قدرت سے مزاج
پھول کر دے آگ کو اور ریت کو پانی کرے
حادثوں کے شہر میں ہر ہر قدم پر اے خدا
بس ترا اک نام ہی میری نگہبانی کرے
سوچتا ہوں اس کی قسمت کتنی اچھی ہے خدا
جو دیار مصطفی میں کوچہ گردانی کرے
بعد اصحاب محمد حمد میں اور نعت میں
اے ضیاؔ اب کون دعوائے سخن دانی کرے
سیدضیا علوی صاحب
بس اک چشم رحمت کے محتاج ہیں ہم
بس اک چشم رحمت کے محتاج ہیں ہم
شفیع الوریٰ رحمت ہر دو عالم
ترا ذکر ذکرِ خدا یا محمد ﷺ
ترا اسم ہے با خدا اسم اعظم
اگر تو نہ ہوتا توکچھ بھی نہ ہوتا
حیات دو عالم ترے دم سے قائم
ترا جسم اقدس ہے نور مجسم
تجلیٔ حق باعث خلق آدم
ترا نام صل علیٰ یا محمد ﷺ
سکون دل و راحت جان عالم
یہ سب پیر و مرشد کا ہے فیض ورنہ
کہاں بارگاہ رسالت کہاں ہم
سعیدؔ اللہ اللہ خدا کا مقرب
غلام غلامانِ شاہ دو عالم
بس اک چشم رحمت کے محتاج ہیں ہم
شفیع الوریٰ رحمت ہر دو عالم
ترا ذکر ذکرِ خدا یا محمد ﷺ
ترا اسم ہے با خدا اسم اعظم
اگر تو نہ ہوتا توکچھ بھی نہ ہوتا
حیات دو عالم ترے دم سے قائم
ترا جسم اقدس ہے نور مجسم
تجلیٔ حق باعث خلق آدم
ترا نام صل علیٰ یا محمد ﷺ
سکون دل و راحت جان عالم
یہ سب پیر و مرشد کا ہے فیض ورنہ
کہاں بارگاہ رسالت کہاں ہم
سعیدؔ اللہ اللہ خدا کا مقرب
غلام غلامانِ شاہ دو عالم
شیخ ابو سعید شاہ احسان اللّٰہ محمدی
0 تبصرے
اپنی رائے پیش کریں