Naghmatul Asrar fi Maqamatil Abrar

نغمات الاسرار فی مقامات الابرار (مثنوی)

نتیجۂ فکر: داعی اسلام شیخ ا بو سعید شاہ احسان اﷲ محمدی صفوی

حواشی رموز نغمات: ذیشان احمد مصباحی

سال اشاعت: اگست۲۰۱۱ء

ناشر: شاہ صفی اکیڈمی، خانقاہ عارفیہ، سید سراواں، الٰہ آباد(یوپی)

مشتملات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نــغــــــــــمــــــــــــاتـــــــــ الاســــــــــرار۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صفحۂ اول پیش لفظ تقدیم حقیقت اشیاکا بیان شرح: وَ فِیْ اَنْفُسِکُمْ اَفَلاَ تُبْصِرُوْن وحدت کا بیان نورِ ظہورِ ذات کا بیان کُنْتُ کَنْزاً مَخْفِیّا نعت حقیقت ِمحمدی مثال فضائل ِآدابِ نبوی اطاعت و پیروی آنحضرتﷺ عظمت و رفعت آنحضرتﷺ تواضع باوجود رفعت و عظمت آنحضرتﷺ شان بشریت کا بیان برزخ کبریٰ کا بیان آنحضرت ﷺپر علوم غیبیہ کے انکشاف کا بیان شانِ اولیا نسبت و بیعت کی مثال اولیاکی عظمت کا بیان آداب شیخ ِکامل طالب صادق کے لیے ضرورت شیخ اورآداب بارگاہ شیخ کا بیان سالکین راہ طریقت کے ما بین اختلاف کا بیان سماع و وجد کا بیان شریعت ، طریقت، حقیقت اور معرفت تصوف کی فضیلت فقیہانِ خشک اور صوفیانِ جاہل و مکار کا بیان علماے سوء کا بیان فضیلت فقر و تصوف شانِ علماے بر حق شرائط شیخی و درویشی آداب مریدین استقامت طالبانِ حق کے لیے پندو نصائح اذکار و اشغال کا بیان مناجات بدر گاہ قاضی الحاجات خاتمہ

 بِسْمِ اللَّهِ الرَّحْمَانِ الرَّحِيمِ 

طائر (۱) قدسی حقیقت آشنا

لحن داؤدی میں ہے نغمہ سرا

ساز الہامی ہے جس کی ہر صدا

اور نداے غيب ہے جس کی ندا 

گفتگو ئے حق ہے جس کی گفتگو

جس کا اوّل ہی سبق ہے وَحْدَہ(۲)

نغمہ ٔ جبریل ہے جس کی صدا

صورِ اسرافیل ہے جس کی نوا

جس کو سن کر روحِ انسانی تمام

 روزِ اوّل سے ہے اب تک شاد کام

صاحب و جد و سماع ہیں سر بکف

بے خودی میں سن کے صوتِ لاَ تَخَفْ(۳)

ہوش میں آئے نہ پھر اہلِ جنوں

 سن کے نغماتِ وَ لاَ ھُمْ یَحْزَنُوْں(۴)

                     

(۱)روح انسانی، جس کا تعلق عالم ملکوت سے ہے، جس کے بارے میں ارشاد ہے :اے نبی ! آپ کہہ دیں کہ روح میرے رب کے امر سے ہے۔ قُلِ الرُّوحُ مِنْ أَمْرِ رَبِّیْ(بنی اسرائیل: ۸۵) ان ابتدائی اشعار میں جو اسلوب اپنایا گیا ہے اسے شعری اصطلاح میں شاعرانہ تعلّی کہا جاتا ہے۔ اس کی سیکڑوں مثالیں صوفی وغیر صوفی شعرا کے یہاں تلاش کی جاسکتی ہیں۔ ویسے میرا وجدان یہ کہتا ہے کہ یہ مثنوی ایک خاص کیفیت میں کہی گئی ہے۔یہ غلبۂ حال کے تحت زبان پر آجانے والے الفاظ ہیں جن کو صرف وہی سمجھ سکتا ہے جسےگفتۂ او گفتۂ اللہ بودگرچہ از حلقوم عبد اللہ بودکا شعور حاصل ہے۔ یا یہ بھی کہا جا سکتا ہے کہ یہ اشعارمقام آدمیت و انسانیت سے کہے گئے ہیں - شاعر کے سامنے اپنی شخصیت نہیں ، اپنی حقیقت ہے۔

(۲)شیخ زبردست توحید پرست ہیں۔ وہ بیک وقت وحدۃ الوجود اور وحدۃ الشہود پر یقین رکھتے ہیں- ان کی محفل میں بیٹھنے والے اس حقیقت سے واقف ہیں کہ ان کی گفتگو جہاں سے بھی شروع ہوآخرش اسی ہستی تک پہنچتی ہے جس کی شان بے مثال لَیْْسَ کَمِثْلِہِ شَیْْء ٌٔ (الشوریٰ:۱۱) ہے۔

(۳)حضرت نبی کریم صلی اللہ علیہ وسلم نے غار ثور میں حضرت ابو بکرصدیق رضی اللہ عنہ کو تسلی دیتے ہوئے فرمایا تھا:لاَ تَحْزَنْ إِنَّ اللّہَ مَعَنَا(التوبہ: ۴۰)ڈرو نہیں اللہ ہمارے ساتھ ہے۔ یہ توکل علی اللہ کی اعلیٰ ترین مثال ہے۔ صوفیہ اسی طریق پر گام زن ہوتے ہیں۔ ان کا سرمایہ صرف توکل علی اللہ ہوتا ہے-اللہ پر اعتماد انہیں ہر خوف سے آزاد کر دیتا ہے اور وہ اسی اعتماد پر رقصاں و شاداں رہتے ہیں۔

(۴)نغمات َولاَ ہُمْ یَحْزَنُونَ کا مطلب ہے اولیاء اللہ کی باتیں۔ بے خوف و بے غم ہونا اولیا کی صفت ہے ۔جیساکہ ارشاد خدا وندی ہے کہ اﷲ کے دوستوں کو نہ کوئی خوف ہوتا ہے اور نہ کوئی غم ہوتا ہے: أَلا إِنَّ أَوْلِیَاء اللّہِ لاَ خَوْفٌ عَلَیْْہِمْ وَلاَ ہُمْ یَحْزَنُونَ(یونس: ۶۲) ان بے خوف و بے غم رجالِ قدس کی باتیں اہل دل کوفنا کی وادی سے گزارنے والی ہوتی ہیں۔ یہ شاعری ایسے ہی مضامین پر مشتمل ہے، جن میں سالک کے لیے بہتر سامانِ رُشد اور مجذوب کے لیے حکایات ِجنوں اور اشارات بے خودی موجود ہیں۔ اسے " ان من البیان لسحرا " کی حامل شیخ کی مجلس وعظ سے جوڑ کر دیکھیے تو کچھ اور ہی لطف آئے گا جہاں شیخ کی سحر آفریں و رقت آمیز باتیں سن کر آہ و فغاں کی مجلس گرم ہو جاتی ہے اور ایک ساتھ علما، صلحا اور عوام ہچکیاں بھرتے نظر آتے ہیں۔

Download ...